શનિવાર, 15 માર્ચ, 2014

ભાડાના મકાનમાં

કોઈ કહે છે સાનમાં ને કોઈ કહે છે ભાનમાં,
                        ને દુકાનદાર કહે માલ નથી આવો મારી દુકાનમાં.

કોઈ જાય છે શાનમાં, કોઈ આવે છે માનમાં,
                        મુકોને બધી પળોજણ,શા માટે રહેવું ગુમાનમાં.

પીછો કરી કરીને થાકી ગયો, કહું છુ એને કે છું તારા પ્રેમમાં,
                        આશ્ચર્યથી જોઈ સામે મારી કે છે કે તું નથી મારી ઓળખાણમાં.

કંઈક વાત કહું છુ કાનમાં, પણ શું કરું તું નથી ભાનમાં,
                         હું તો છુ એવી તલવાર કે જે છે તારા નામની મ્યાનમાં.

સભ્ય છુ એના જ ઘરનો ને એ ગણે છે મને મહેમાનમાં,
                        સુજે નહિ મને કાંઈ તો બોલું છું કે રહેવું છે ભાડાના મકાનમાં.
           ભાડાના મકાનમાં , ભાડાના મકાનમાં.

સોમવાર, 10 માર્ચ, 2014

ઘર એ ઘર છે.

Copyright-Burj-Al-Arab-2-S

સમજવાનું એટલું જ છે મારા હૃદય તણા મિત્રો,
                               સાંજ પડેને થાય છે કે ઘર એ ઘર છે.
ગગનચુંબી ઈમારતોના મહેલો જેવા રહેઠાણો છે સ્વપ્ન્દીવા,
                               પણ ઝુપડા જેવું ભલે લાગતું હોય પણ ઘર એ ઘર છે.
યંત્રવત ચાલતી આ દુનિયા છે અજીબો-ગરીબ,
                               નવરાશની પળોમાં જીવાડતું આપણું ઘર એ ઘર છે.
છે બર્ગર, પિત્ઝા અને બ્રેડ ની લિજ્જત ને લહાણી,
                               પણ બાજરા ના રોટલા પણ મીઠા લગાડતું ઘર એ ઘર છે.
આધુનિક સવલતોથી ભરપુર એવી આ દુનિયામાં,
                               ભલે માટીથી ચણાયેલું પણ ઘર એ ઘર છે.
અજાણ્યા માણસોના કૃત્રિમ હાસ્ય કરતા,
                               જાણીતાનો કુદરતી ગુસ્સો અપાવતું ઘર એ ઘર છે.
હકીકત એ છે કે આ બધો પૈસા નો ખેલ છે ઘર મુકવાનો,
                               બાકી મિત્રોને સાથે રાખીને આમીર બનતા આવડે તો
                               ઘર એ ઘર છે.